السيسى: ٢٥ يناير و٣٠ يونيو استكمال لثورة ٢٣ يوليو
أكد الرئيس عبد الفتاح السيسى أن الجيش المصري ظهير للشعب كما أن الشعب المصري هو ظهير لجيشه، وهما -الجيش والشعب- يمثلان سويًا كتلة قوية صلبة للحفاظ على الدولة المصرية.
وأضاف السيسى – خلال كلمته بمناسبة الذكرى ٦٢ لثورة يوليو – أن ما حدث في ثورتي ٢٥ يناير و٣٠ يونيو هو استكمال لثورة ٢٣ يوليو التي قضت على الإقطاع.
وقال إن المصريين عندما شعروا بأن حريتهم تسلب منهم، نزلوا في ٣٠ يونيو، مؤكدًا على حرية كل شخص في التفكير والاعتقاد وليس فقط في التعبير عن الرأي .
و حول حادث الفرافرة الذي راح ضحيته 22 مجندًا وضابطًا قال السيسي انه لا يجب أن يهز ثقة المصريين بأنفسهم .
وأضاف السيسي في كلمة بمناسبة ثورة يوليو ” لازم نبقى كده وواثقين إن الواقعة بتاعت الفرافرة، شفت رد الفعل اللي موجود والإعلام تناول الموضوع والرأي العام بص للموضوع إزاي؟، مش عايز لما تحصل وقائع زي دي يارب مش يكررها، تتهزوا، تزعلوا تتألموا صحيح، لكن لازم تثقوا في نفسكم والجيش جزء منه، الجيش ده منك إوعى تتهز، قدامنا خيارين يا إما يحصل فينا زي اللي بيحصل في الخارج، أو يتقدم الجيش ويتلقى الضربة بدلا من المصريين، نتقتل إحنا الأول قبل المصريين “.
وتابع : ” لازم تعرفوا إننا في مواجهة ضخمة ولا أبالغ، وبمنتهى الصدق والأمانة وتعودتوا مني على كده، التحدي اللي عندنا مش اقتصادي ولكن فيه تحدي وجودي، فيه ناس وتخطيط شغالة علشان الدولة مش تستمر، لوحدي وبالحكومة والجيش والشرطة مش كفاية، محدش يقدر يهزم شعب، محدش يقدر يهزم شعب، ويهد دولة فيها شعب واعي ومش هسمح، بقول في كلامي بصوا حوالين منكم، بص على السياق اللي موجود فيه الوطن كله، انظروا لهذا الأمر بصوا له كويس، الهدف منه إيه، وإحنا فين؟ ” .
و حول العدوان الاسرائيلى على غزة ، قال السيسي ان مصر تحاول بشتى السبل وقف شلال الدم الفلسطيني مشددا على ان لا يمكن لاحد ان يزايد على موقف مصر التاريخي من القضية الفلسطينية التى قدمت مصر من أجلها نحو 100 ألف شهيد وضعفهم من المصابين .
