قال المرشح الرئاسي عبد الفتاح السيسي إن السلام بين مصر وإسرائيل صار مستقرا.
وقال السيسي في جزء ثان وأخير من مقابلة مع محطة سكاي نيوز عربية أذيع مساء أمس الاثنين “السلام بقى مستقر. وحالة السلام دي تجاوزت القلق من وجود قوات مصرية في مناطق معينة” من سيناء تمنع نصوص المعاهدة الجيش المصري من الانتشار فيها.”
وأضاف “هم (الإسرائيليون) تفهموا ان القوات اللي موجودة دي مكانتش أبدا موجودة إلا عشان تؤمن الموقف ولا تجعل أرض سينا قاعدة لشن هجمات ضد المصريين وضد جيرانها (جيران مصر). هم أدركوا دا.”
وسئل السيسي عما إذا كان سيسعى لتعديل معاهدة السلام مع إسرائيل إذا انتخب فقال “اللي احنا عايزينه احنا بنعمله. والقوات موجودة. ولو الأمر متطلب ان احنا نعدل مفتكرش ان هم حيرفضوا لأن هم تفهموا دلوقتي انهم بيتعاملوا مع دولة وجيش… (هو) قوة عادلة وقوة رشيدة وقوة مدافعة مش قوة حمقاء. (هي قوة) مش ضد حد (إنما) ضد أي حاجة تؤثر على الأمن القومي المصري (بل) الأمن القومي العربي.”
حول القضية الفلسطينية قال السيسي “عايزين يبقى فيه حل للقضية الفلسطينية يرضي الفلسطينيين وكمان يخليهم يطمئنوا على المستقبل.. مستقبل أولادهم في وطن مستقر بعاصمة (هي) القدس (الشرقية).”
واضاف “وأما نقول عاصمة (هي) القدس بنقول عايزين نحل المشكلة الفلسطينية حل حاسم… عشان الناس في المنطقة كلها تعيش في أمان وسلام.”
وحول سوريا قال السيسي “متحسبين جدا من التطور السلبي للمشكلة السورية لأن تقديرنا إنه لو انفرط العقد لن تعود (كما كانت)… لا بد من إيجاد مخرج للحل و(هو) حل سلمي لأن حجم العناصر الإرهابية اللي موجودة بقت بؤرة جاذبة للتطرف والإرهاب.
واردف “لابد من إيجاد مخرج سلمي والمخرج ده ميكونش ابدا على حساب وحدة سوريا (الإقليمية).”
وسئل عن موقف مصر إذا تعرضت دول عربية للتهديد فقال “(في حالة) تهديد أي دولة عربية جيش مصر جيش عظيم.. جيش قوي… مسافة السكة هتلاقونا موجودين. محدش يتهدد واحنا موجودين أبدا. مش هيحصل.”
وأضاف أنه لن تكون هناك مشكلة بين مصر وإيران إلا في حالة تعرض أمن دول الخليج العربية للمساس به.
المصدر: رويترز
