تطرق الرئيس عبد الفتاح السيسى على الأزمة التى وقعت مؤخرا فى محافظة الإسكندرية بعد هطول الامطار بكميات كبيرة وغرق الشوارع وبعض المناطق بها، قائلا ” السنوات الخمس الماضية كان لهم تأثير كبير على قدرة الدولة وأجهزتها وبنيتها الأساسية ، وكل مسئول يعرف هذه المشكلات جيدا ، واحنا فى ظروف صعبة منذ سنوات ، ماحدش قال فى موضوع اسكندرية ان فيه 60 ألف منزل اتبنوا خارج التخطيط بدون صرف صحى او كهرباء أو مياه ..وهذا أحد أعراض السنوات الماضية .
وأضاف الرئيس” فيه بعض الناس فى الإعلام مش عارفه ولا فاهمة حاجة ، حاطه ميكروفون قدامها وبتتكلم منه ، //غاضبا// احنا مش بندوس على الزرار ونخلص ، ونقول كل حاجة فيها كارثة ، طيب يعنى الإعلام ما فيهوش كوارث ولا ايه ؟ .
واستطرد الرئيس موجها حديثه للإعلاميين ” هو انت عشان قدام منك كلام عاوز تقوله تعمل كدا فى بلدك ولا ايه ؟ احنا لازم نتعامل مع الموضوعات بالفهم اللازم .. واحد إعلامى بيقول “: الرئيس قاعد مع بتوع سيمنز وسايب اسكندرية تغرق .. ما ينفعش كدا ..هذا أمر لا يليق .. انتو بتعذبونى انى جيت هنا ولا ايه ؟”.
وأضاف الرئيس ” انا مش زعلان ..بس عاوز حد يقولى أنا اسأت لمين، أتحدى إن حد يطلع أى تعبير غير مناسب انا قلته لاى حد حتى للناس اللى بتسيء لينا وتتآمر علينا، المرة الجاية انا هشتكي للشعب المصرى منكم موجها حديثه لبعض الإعلاميين./
المصدر: وكالة أنباء الشرق الأوسط (أ ش أ)
