السيسي يشكر البنوك و”تحيا مصر” للمساهمة في مشروعات الإسكان

وجه الرئيس عبد الفتاح السيسى، الشكر للبنوك وصندوق تحيا مصر لمساهماتهما في مشروعات الإسكان، ووزارة الإسكان وهيئة المجتمعات العمرانية، وتحملها العبء الأكبر للخروج بهذا المشهد العظيم .

وقال الرئيس السيسي ، تعقيبا على كلمة وزير الإسكان الدكتور عاصم الجزار ” إننا نذكر كل اللي ساهموا معنا زي ماحنا قلنا لكده أن في البنوك أسهمت مساهمة ومازالت تساهم، وأنا بوجه لهم الشكر على على المساهمات التي يقدموها في المشروعات التي تنفذ في هذا المجال، وبشكر صندوق تحيا مصر اللي هو عبارة عن وعاء المصريين كلهم بيقوموا بمساهمتهم فيه، وهو بيشارك في هذه المشاريع وعناصر تأسيسها، ثم طبعا ، وزارة الإسكان أو هيئة المجتمعات العمرانية بتتحمل العبء الأكبر من أجل أن نطلع بالحالة أو المنظر الذي نراه الآن “.

وأضاف ” وأنا بس مش عارف الكلام اللي عايز اقوله ده يا دكتور مصطفى سيكون مقبول ولا لا ، في عندنا منازل أو إسكان يسمى زلزال 1 و 2 و 3 ، متسألا هو كام أوضه؟ .. فأجاب :أوضة وصالة أو اتنين وصالة ، أنا عايز اقولهم نفتحلهم الباب أنهم يتقدموا لينا ، بطلبات وطبعا بمقدمات فلوس يعني، بس تكون معقولة بحيث أقدر أقول للفريق محمد زكي زي ما أدتنا حته الأرض ديه ، برضه محتاجين حته أرض تاني من المعسكرات، فيعني لو سمحتلنا يا محمد يعني ، فنعمل لهم حاجة” .

وسأل الرئيس السيسي رئيس الوزراء الدكتور مصطفى مدبولي هما 22 ألف وحدة، فأجاب: أيوه يا فندم .

ثم قال الرئيس ” هو أمر غريب لأنهم عايشين بالفعل ، ولكن هم لو عايزين يغيروا إلى مساكن أفضل ممكن نعملهم نظام تمويل واللي عايز منهم ، ولو احنا قدرنا بهذه الطريقة نعمل إحلال لمنشآت بالمثل ده، وهما خمس أدوار وإحنا هنا بنعمل 10 أدوار وبالتالي هما 22 ألف وحدة، سنكون قادرين على عمل 44 ألف وحدة ، وهذا في إطار الكلام اللي قولته في الأول وبقوله ، يا كل المصريين أي إنسان هيحتاج شقة يا دكتور مصطفى إحنا بنوعده بفضل ربنا هنوفره الشقة” .

وأوضح “اللي إحنا فيه ده مش موجود غير في بلدنا إحنا استحملنا الفترة اللي فاتت دي حجم التمدد اللي كان زيادة عن اللزوم”.
وأكد” إحنا بنقول كدة علشان لما يبقى في صلابة في الموقف وشدة من الأجهزة سواء من التنمية المحلية أو الداخلية هو الهدف منها حماية الوطن من أننا نعيش كده”.