قال الرئيس عبد الفتاح السيسى، إن الدولة تحتاج 20 مليار دولار للمواد البترولية، موضحا أن هذا يعنى أن الدولة تشترى بالدولار وتبيع بالجنيه بقيمة أقل.
وأكد الرئيس، خلال حوار مع قيادت الدولة والمفكرين بمناسبة عيد الشرطة، أنه من المهم حينما تتحدث عن مصر أن يكون فى سياق، مضيفا “علشان تناقش الموضوع نقاش موضوعي.. أنا جبت حاجة واحدة.. الدولة دي مش عايزة حاجة واحدة.. الدولة دى مش عايزة قمح وفول صويا وزيت طعام”؟.
ووجه الرئيس السيسى سؤالا “ليه الناس ما حستش بده فى الأربعينيات والخمسينيات؟ .. لأن الطلب مكنش كبير على العملة الصعبة، وكان الريف المصرى قادر على الإنتاج.. وكل ما العدد يزيد والريف إنتاجه يقل زادت الفجوة.. دلوقتي بنتكلم عن 110 ملايين مواطن”.
وأكد الرئيس، أنه لابد أن نعمل جميعا على أن مواردنا من الدولار تكون أكبر من إنفاقنا.. قائلًا: “أنا من الناس اللى شافت الدولار بـ 30 قرشا.. الدولار عملة حرة تعكس قدرة الدولة المصرية على أن تلبي طلباتها، ومطالب شعبها بشكل مستقر”.
وقال الرئيس عبد الفتاح السيسى، إن كل البيانات والمعلومات بشأن بما تم إنجازه في مجال الطاقة بوزارات البترول والكهرباء والنقل، متاحة على موقع رئاسة الجمهورية وموقع مجلس الوزراء، ومواقع كل الوزارات المعنية.
وتابع الرئيس السيسى “الناس نسيت.. القاهرة دى ماكنش هيتمشي فيها خالص.. وإسكندرية نفس الكلام وبقية المحافظات.. لكن دلوقتى الناس بتمشى لأنها مش حاسة بالمشكلة.. بناء الدول محتاج جهد ومحتاج تضحية وعمل وإخلاص وقبل ده كله توفيق.. طيب التوفيق يجى لما يكون القائمون على الأمر بياخدوا بأسباب الدنيا وكمان هما ناس صالحين”.
وأضاف الرئيس السيسى “البنية المصرية قادرة على الانطلاق بالدولة لآفاق دول نامية، وفي كل القطاعات، لأننا استطعنا ننجز كل المطالب الموجودة في قطاعات الدولة المختلفة”.
المصدر: النيل للأخبار
